بما ان الدنيا عمالة تغمق .. و بما ان فيه ناس كتير كتبت عن الوضع الاقتصادي بين التحليل والتوقع
حاولت أجمع شوية أفكار من هنا وهناك لا أزعم اني صاحبها ولكني مجمع معظمها لعل حد يستفيد منها .. وياريت
1ــ في البداية كده حاول تسافر برة البلد .. ايون زي ما بقلك كده #سافر
2ـ حاول #تدخر أي مبلغ يمكن ادخاره
3ـ #خفض_مصروفاتك بأكبر قدر ممكن لان الغلاء لسة هيزيد جداً :(
4ـ حول مدخراتك الى سلع ذات قيمة (ما خف وزنه وغلا ثمنه)ـ
5ـ اشتري عملات اجنبية #دولار او #ريال او #يورو لحفظ القيمة وسرعة سيولتها.
6- اشتري #ذهب وياريت تكون سبائك مش مشغولات يعني جنيه ذهب مثلا وده لأن المشغولات الذهبية بيضيع جزء كبير من قيمتها في #المصنعية وهي ايضا تتميز بسرعة سيولتها وان كان هناك تجار ذهب يرفضوا الشراء بسبب حالة الركود
7- شراء العقارات برضه لحفظ القيمة وان كانت سيولتها اقل من العملات والذهب ولكنها تحفظ لقيمة مدخراتك على المدى الطويل
8- حاول تشوف مصدر اضافي لزيادة الدخل شغل #اضافي عرض عقار للايجار (مدة قصير سنة او اثنين على الأكثر) تشغيل سيارة او تاكسي وغيرها من مصادر الدخل الاضافية اللي لا تعتمد على وجودك فيها.
9ـ أوعى #تبيع عقار بالأجل .. وياريت تكون مظبط من قبل البيع على شراء جديد مكانه لتحفظ قيمة املاكك.
10- ياريت تخلي كل معاملاتك #شراء خاصة السلع المعمرة بالاجل ويحبذا على مدى اقساط طويلة الأجل ان امكن ذلك وخاصة شراء العقارات، وده لان قيمة العملة بتقل.
11ـ طلبة الجامعة ياريت تحاول تساعد أهلها وتشتغل وقت الدراسة وتحاول #تكفي_نفسك #الحياة_صعبة :D
12ـ اشتري في #الاوكازين وفترة #التخفيضات لان كثير من االاقتصاديين يتوقعوا تضخم في مستوى الاسعار بشكل كبير جدا، يعني لو عرسة او عريس بيجهزو نفسهم يبقى ياريت يجيب الاجهزة الكهربائية زي المروحة تيجي اخر الصيف، الملابس الصيفي تجبها في دخول الشتاء للتمتع باسعار التخفيضات.
13ـ لو انت من الناس اللي شغلها تأثر بشكل مباشر من الحالة الاقتصادية واضطريت لترك العمل بسبب الازمة الحالية ياريت تعمل في مجال اقل تأثرا وان كان الكل متأثر بالوضع الاقتصادي الصعب بس بدرجات متفاته زي القطاع الصحي .. القطاع العقاري .. القطاع التعليمي.. الصناعات المتعلقة بالتصدير.
14ـ ياريت كمان لو شغلك فيه امكانية التسويق له خارج البلد تحط ده في خطتك زي مثلا التسويق الالكتروني وغيرها من الخدمات والمنتجات واللي هيكون فرصة بالنسبة لها عرض اسعار تنافسية تنافس بها الشركات الخارجية لانخفاض قيمة العملة المصرية
15ـ قبل وبعد الكلام دايما ياريت تستعن بالله وتأخذ بالاسباب وتعمل اللي عليك ولا تنسى الدعاء بتفريج الكرب وان يرفع الله عنا الغلاء والبلاء وكمان مداومة الاستغفار ... ولا تنسى ابدا قول الله تعالى #من_يتوكل_على_الله_فهو_حسبه
هتلاقي كلام عن اصحاب الاعمال كتبه م .حاتم صالح وزير التجارة والصناعة الاسبق
كمان كلام يخص الاسر لعمر الشنيطي
